แหงนผ่อบนฟ้า เมฆฝ้าลอยใหล
หนาวเหน็บซวงใน ดวงทัยหม่นเศร้า
อ้ายมาหาตั๋ว แม่บัวห้าเหง้า
เจ้าศรีงามเงา แว่นฟ้า
ย้อนกึ้ดเติงหา แม่สร้อยสง้า
หวังได้หันหน้า คนงาม
เดิ้กดื่นคืนนี้ เป๋นดีใค่ถาม
ยังตั๋วนงราม ตี้อยู่ในห้อง
หากว่าจริงใจ๋ จายใดบ่ข้อง
อ้ายบ่เป๋นรอง เปิ่นนั้น
ขอเปิดผะตู๋ เอ็นดูปี่จั้น
หื้อใจ๋จื่นหมั้น ยินดี
จ่อเอื้องป๋ายย้อย แม่สรัอยสะหรี
อ้ายนี้คงมี ปี๋ติบ่เศร้า
วันนี้อุตส่าห์ ขี่รถถีบเถ้า
มาหานงเยาว์ น้องจั้น
น้ำค้างหมอกหมย ลมเจยแหมนั้น
ก็ยังด้นดั้น หาญิง
ลุกมาเต๊อะ แม่แก้วต๋าสิงห์
เจ้าสายริมปิง อย่าได้หนีหน้า
น้องจะกั๋วหยัง ยังจายม่อนข้า
บ่ใจ่มีงา ดั่งจ๊าง
บ่กึ้ดข่มเหง เต๋งเต็๋กผ่าม้าง
หื้อได้บิ่นบ้าง ราคี
บ่าวเคิ้นคนตุ๊กข์ บ่ใจ่เสือหมี
บุ่นป่าดงรี มาข๊บเกี๊ยว
เจ้า