శ్రీగణేశాయ నమః .
దేవ్యువాచ
దేవదేవ మహాదేవ త్రికాలజ్ఞ మహేశ్వర .
కరుణాకర దేవేశ భక్తానుగ్రహకారక ..

అష్టోత్తరశతం లక్ష్మ్యాః శ్రోతుమిచ్ఛామి తత్త్వతః .
ఈశ్వర ఉవాచ
దేవి సాధు మహాభాగే మహాభాగ్యప్రదాయకమ్ .
సర్వైశ్వర్యకరం పుణ్యం సర్వపాపప్రణాశనమ్ .

సర్వదారిద్ర్యశమనం శ్రవణాద్భుక్తిముక్తిదమ్ .
రాజవశ్యకరం దివ్యం గుహ్యాద్గుహ్యతమం పరమ్ ..

దుర్లభం సర్వదేవానాం చతుఃషష్టికలాస్పదమ్ .
పద్మాదీనాం వరాన్తానాం విధీనాం నిత్యదాయకమ్ ..

సమస్తదేవసంసేవ్యమణిమాద్యష్టసిద్ధిదమ్ .
కిమత్ర బహునోక్తేన దేవీ ప్రత్యక్షదాయకమ్...

తవ ప్రీత్యాద్య వక్ష్యామి సమాహితమనాః శృణుమ్ .
అష్టోత్తరశతస్యాస్య మహాలక్ష్మీస్తు దేవతా ..

క్లీంబీజపదమిత్యుక్తం శక్తిస్తు భువనేశ్వరీ .
అఙ్గన్యాసః కరన్యాస స ఇత్యాదిః ప్రకీర్తితః ..

ధ్యానమ్ -
వన్దే పద్మకరాం ప్రసన్నవదనాం సౌభాగ్యదాం భాగ్యదాం
హస్తాభ్యామభయప్రదాం మణిగణైర్నానావిధైర్భూషితామ్ .
భక్తాభీష్టఫలప్రదాం హరిహరబ్రహ్మాదిభిః సేవితాం
పార్శ్వే పఙ్కజశఙ్ఖపద్మనిధిభిర్యుక్తాం సదా శక్తిభిః ..

సరసిజనయనే సరోజహస్తే ధవలతరాంశుకగన్ధమాల్యశోభే .
భగవతి హరివల్లభే మనోజ్ఞే త్రిభువనభూతికరి ప్రసీద మహ్యమ్ ..